Күндей үні күркіреп, күллі өңірге жайылған, дүрия ойы дүр түлеп, қиялы қиядан құсты қайырған, – Қасым ақын жырлары лап етіп өртке айналған, жүре келе дертке айналған: ғашықтық жас дәуренді жасын оттай жарқ еткізіп жадыңызға қондырып, жанарға жас алдыратыны ақиқат.
Жан-жүрегін жарып шыққан жырымен – дауыл алды тыным алған теңіздей тереңге тартып, табан асты тарпаңдық танытар да Қасым ақын екендігі ақиқат.
Ақиқаты: өр өлкеден өріс алған өр мінезді Қасым ақын жырларын «Өлке» баспасы «Жасөспірімдер кітапханасы» сериясымен оқырманына ұсынып отыр.
Қасым ақын жырлары адам бойына терең ой, тәтті сезім, асқақ арман, толассыз күш-жігер дарытады.